ଆମ୍ବୁଲ ଦହି ଖଟେଇ – Dry mango-Curd Chatne

ଆମ୍ବୁଲ ଦହି ଖଟେଇ – Dry mango-Curd Chatne

ପ୍ରସ୍ତୁତି ସାମଗ୍ରୀ-

୬/୭ ଖଣ୍ଡ ଆମ୍ବୁଲ (Dry Mango), ୧ ଚାମଚ ସୁରିଷ ତେଲ, ୨ ଶୁଖିଲା ଲଙ୍କା, ୧ ଚାମଚ ପାଞ୍ଚ ଫୁଟଣ, ୮-୧୦ ଟି ଭୃଶୁଙ୍ଗା ପତ୍ର, ୧ ଚାମଚ ଦେଶୀ ଘିଅ, ୨ ଚାମଚ ଗୋଟା ସୁରିଷ ବଟା, ୧/୨ ଚାମଚ ଅଦା ବଟା , ୧/୨ ଚାମଚ ଆମ୍ବ କଷି ଅଦା, ୨ ଚାମଚ ନଡିଆ କୋରା, ୧/୨ ଚାମଚ ଜୀରା ଓ ଲଙ୍କା ଭଜା, ୫୦ ଗ୍ରାମ ଗୁଡ, ୧/୨ ଚାମଚ କଳା ଲୁଣ  ଓ ଆବଶ୍ୟକ ଅନୁସାରେ ଲୁଣ ।

ପ୍ରଣାଳୀ –

ପ୍ରଥମେ ଆମ୍ବୁଲକୁ ୧ ଘଣ୍ଟା ପାଣିରେ ବତୁରାଇ ରଖନ୍ତୁ । ଏବେ କରେଇ ଗରମ କରି ଘିଅ ଦିଅନ୍ତୁ ଓ ଏଥିରେ ଭୃଶୁଙ୍ଗା ପତ୍ର, ପାଞ୍ଚ ଫୁଟଣ ଓ ଶୁଖିଲା ଲଙ୍କା ଫୁଟାନ୍ତୁ ।   ଗରମ ହେଇ ଫୁଲି ଆସିଲେ ଏଥିରେ ବଟା ଅଦା ପକାନ୍ତୁ ।ଏବେ ଏଥିରେ ବତୁରା ଆମ୍ବୁଲ ପକାଇ  ୨-୩ ମିନିଟ ଅଳ୍ପ ଆଞ୍ଚରେ ବସାଇ ଏଥିରେ ସୁରିଷ ବଟା ପକାଇ ୨ ମିନିଟ ଫୁଟାଇ ଏଥିରେ ଗୁଡ ଓ ଲୁଣ ପକାଇ ଭଲ ଭାବେ ଗୋଳାଇ ଦିଅନ୍ତୁ ।   ଧୀର ଆଞ୍ଚରେ ୫ ମିନିଟ ବସାଇ  ପରେ ଏଥିରେ ନଡିଆ କୋରା , ଲଙ୍କା ଓ ଜୀରା ଗୁଣ୍ଡ , କଳା ଲୁଣ , ଦହି ଅଳ୍ପ ପକାଇ ଭଲ ଭାବେ ଗୋଳାଇ ଆଞ୍ଚରୁ ବାହାର କରି ରଖନ୍ତୁ । ଏବେ ପ୍ରସ୍ତୁତ ଆପଣଙ୍କ  ଅତି ସୁଆଦିଆ ଓ ହିତକର ଆମ୍ବୁଲ ଦହି ।

ବିଲାତି ପୋଡା ଚଟଣି – Roasted Tomato Chatni

ବିଲାତି ପୋଡା ଚଟଣି – Roasted Tomato  Chatni

ପ୍ରସ୍ତୁତି ସାମଗ୍ରୀ-

ପାଚିଲା ଟମାଟୋ ୦୪ ଟି, ପିଆଜ ୧ଟି , ରସୁଣ ୨ କୋଳ, ୨ଟି କଞ୍ଚା ଲଙ୍କା, ଭଜା ବଡି ଚୋରା ୪ଟି , ୨ ଚାମଚ ସୁରିଷ ତେଲ, ଅଳ୍ପ ଧଣିଆ ପତ୍ର  ଓ ଆବଶ୍ୟକ ଲୁଣ  ।

ପ୍ରଣାଳୀ –

ପ୍ରଥମେ ଟମାଟୋଉପରେ ଅଳ୍ପ ତେଲ ଲଗାଇ  କାଠ ବା ଆଞ୍ଚ କିମ୍ବା ଗ୍ୟାସ ଷ୍ଟୋଭରେ  ପୋଡି ଚୋପା ଛଡାଇ ରଖନ୍ତୁ ।  ଏବେ ୧ଟି  ପିଆଜ, ରସୁଣ ୨ କୋଳ ଓ କଞ୍ଚା ଲଙ୍କା କୁ ଅତି ଛୋଟ ଛୋଟ କରି କାଟି ରଖନ୍ତୁ ।  

ଏଥର ଟମାଟୋକୁ ଭଲ ଭାବେ ଚକଟି  ସେଥିରେ କଟା ପିଆଜ , ରସୁଣ , ଲଙ୍କା , ସୁରିଷ ତେଲ ଓ ଆବଶ୍ୟକ ଅନୁଯାଇ ଲୁଣ ପକାଇ ଭଲ ଭାବେ ଗୋଳାଇ ଦିଅନ୍ତୁ ।  ଉପରେ ଅଳ୍ପ ଭଜା ବଡି ଚୋରା ଓ ଧଣିଆ ପତ୍ର ପକାଇ ପରସନ୍ତୁ ।  ଆଃହ କି   ରୁଚିକର ଖାନା ।

ପ୍ୟାନ କେକ – Roasted Pancake

ପ୍ୟାନ କେକ  – Roasted Pancake

ପ୍ରସ୍ତୁତି ସାମଗ୍ରୀ-

ଚାଉଳ ୨କପ, ଗୋଟା ବିରି ୧ କପ, ଚିନି ଗୁଣ୍ଡ ୧/୨ କପ , କିସମିସ ଓ ଭଜା ଚିନାବାଦାମ ୧/୪ କପ, ଗୁଜରାତି ୨ଟି, ନଡିଆ କୋରା ବା ଛୋଟ ଛୋଟ କଟା ୧/୨ କପ, ଘିଅ ୪ ଚାମଚ, ଲୁଣ ଆବଶ୍ୟକ ଅନୁସାରେ   ।

ପ୍ରଣାଳୀ –

ପ୍ରଥମେ ୨କପ  ଚାଉଳ ଓ ୧ କପ ବିରି ନେଇ ପାଣିରେ ବତୁରାଇ ୪/୫ ଘଣ୍ଟା ରଖନ୍ତୁ  ।  ଏହାପରେ ଏହାକୁ ଗ୍ରାଇଣ୍ଡରରେ  ଭଲକରି ଗ୍ରାଇଣ୍ଡ କରି ଅଳ୍ପ ପାଣି ଦେଇ ଗୋଳାଇ ଅତି କମରେ ୨ ଘଣ୍ଟା ରଖି ଦିଅନ୍ତୁ ।  ଏବେ ଏଥିରେ ଚିନି ଗୁଣ୍ଡ, କିସମିସ, ବାଦାମ , ନଡିଆ ଓ ଆବଶ୍ୟକ ଲୁଣ ଦେଇ ଭଲ ଭାବେ ଗୋଳାଇ ଦିଅନ୍ତୁ ।  

ଏବେ  ପ୍ୟାନରେ ଘିଅ ୨ ଚାମଚ ପକାଇ ପ୍ୟାନରେ ଖେଳେଇ  ପିଠଉ ଦେଇ ଉପରେ ୨ ଚାମଚ ଘିଅ ଦେଇ ମଧ୍ୟମ ଆଞ୍ଚରେ ବସାଇ ଢାଙ୍କି ଦିଅନ୍ତୁ ଓ ପରେ ଓଲଟାଇ ବାଦାମି ରଙ୍ଗ ହେଲେ ବାହାର କରି ରଖନ୍ତୁ । ଥଣ୍ଡା କରି ଛୋଟ ଛୋଟ ଖଣ୍ଡ କରି ପରସନ୍ତୁ ।

ମିକ୍ସ କୋପ୍ତା ତରକାରୀ – Mix Kopta Curry

ମିକ୍ସ କୋପ୍ତା ତରକାରୀ – Mix Kopta Curry

ପ୍ରସ୍ତୁତି ସାମଗ୍ରୀ-

କଞ୍ଚା କଦଳୀ ୩ଟି, ଅମୃତଭଣ୍ଡା ୧୦୦ ଗ୍ରାମ, ନଡିଆ କୋରା ୧ କପ, କାଜୁ ୧୦ ଟି, ହଳଦୀ ଓ ଲୁଣ ଆବଶ୍ୟକ ଅନୁସାରେ, ରସୁଣ ୫/୬ ପାଖୁଡା, ପିଆଜ ୨ଟି , କଞ୍ଚା ଲଙ୍କା ୧ଟି, ଡାଲଚିନ, ଜୀରା, ଅଦା ଛୋଟ ଖଣ୍ଡେ, ଧନିଆ ପାଉଡର ୧/୨ ଚାମଚ, ଟମାଟୋ ୧ଟି, ଛାଣିବା ପାଇଁ ତେଲ, ବେସନ ୧୦୦ ଗ୍ରାମ ।

ପ୍ରଣାଳୀ –

ପ୍ରଥମେ କଦଳୀ ଓ ଅମୃତଭଣ୍ଡା ର ଚୋପା ଛଡାଇ କାଟି ସିଝାଇ ଦିଅନ୍ତୁ ।  ରସୁଣ , କଞ୍ଚା ଲଙ୍କା, ଜୀରା, ଧନିଆ ପାଉଡର, କାଜୁ, ଅଦା ବାଟି ରଖନ୍ତୁ । ପିଆଜ କାଟି ରଖନ୍ତୁ ।  ଏବେ ନଡିଆକୋରା, ସିଝା କଦଳୀ, ଅମୃତଭଣ୍ଡା, ବେସନ , ଅଳ୍ପ ଲୁଣ ଓ ହଳଦୀ ଗୁଣ୍ଡ ଦେଇ ଭଲ ଭାବେ ଚକଟି ଦିଅନ୍ତୁ ।   

ଏବେ ଚୁଲାରେ ତେଲ ଗରମ କରି ଛୋଟ ଛୋଟ ବଡି ପରି କରି ବାଦାମି ରଙ୍ଗ ହେବା ପର୍ଯ୍ୟନ୍ତ ଛାଣି ଦିଅନ୍ତୁ। ଛଣା ସରିଗଲା ପରେ ଅନ୍ୟ ଏକ କରେଇରେ ଅଳ୍ପ ତେଲ ଗରମ କରି ପିଆଜକୁ ଭାଜନ୍ତୁ। ଏଥିରେ ମସଲା ବଟା,ଡାଲଚିନ ଗୁଣ୍ଡ , କଟା ଟମାଟୋ ଦେଇ କସନ୍ତୁ । ପରେ ଦୁଇ କପ ପାଣି ଦେଇ ଫୁଟାନ୍ତୁ ଓ ଛଣା କୋପ୍ତା ପକାଇ ଆସ୍ତେ ଆସ୍ତେ ଗୋଳାଇ କିଛି ସମୟପରେ ଡାଲଚିନ ଗୁଣ୍ଡ ଓ ଜୀରା ଗୁଣ୍ଡ ଅଳ୍ପ ପକାଇ ବାହାର କରି ପରସନ୍ତୁ ।  ଏଥିରେ ଧନିଆ ପତ୍ର ଓ ଅଳ୍ପ ଲେମ୍ବୁ ଦେଇ ମଧ୍ୟ ଖାଇବାକୁ ଦେଇ ପାରିବେ ।