ସଜନା ଶାଗ ଛତୁ ଠୁକଠୁକା – Drumstick Leaves Mushroom
Thukthukaa
ପ୍ରସ୍ତୁତି ସାମଗ୍ରୀ –
୩ କପ ସଜନା ଶାଗ , ୨୫୦ ଗ୍ରାମ ଛତୁ, ୧ ଚାମଚ ଜୀରା , ୨ ଟି ଆଳୁ, ୨ ଛୁଟ ଚାମଚ ସୋରିଷ, ୪/୫ କୋଲା ଛଡା ରସୁଣ, ଫୁଟାଇବା ପାଇଁ
ସୁରିଷ ତେଲ , ଶୁଖିଲା ଲଙ୍କା ୨ ଟି , ସ୍ଵାଦ ଅନୁସାରେ ହଳଦୀ ଗୁଣ୍ଡ ଓ ଲୁଣ ।
ପ୍ରଣାଳୀ –
ପ୍ରଥମେ ସଜନା ପତ୍ରକୁ ଡେମ୍ଫରୁ ଅଲଗା
କରି ସଫା କରି ରଖନ୍ତୁ । ଛତୁକୁ ସଫା କରି ଲୁଣ ହଳଦୀ ପକାଇ ଭାଜି ରଖନ୍ତୁ । ଏବେ ସବୁ ମସଲକୁ ଏକାଠି
ଭଲଭାବେ ବାଟି ରଖନ୍ତୁ । ଏଥର କଡେଇ ଗରମ କରି ଜୀରା ଶୁଖିଲା ଲଙ୍କା ଫୁଟେଇ ବଟା ମସଲା ଦେଇ କଟା ଆଳୁ
ଓ ଲୁଣ ଏବଂ ହଳଦୀ ଦେଇ ଢାଙ୍କୁଣୀ ଘୋଡାଇ ଦିଅନ୍ତୁ । ଏହାପରେ ସିଝି ଆସିଲା ବେଳକୁ ଭଜାଛତୁ ପକାଇ
ଅଳ୍ପ ପାଣି ଦେଇ ପୁଣି ଢାଙ୍କୁଣୀ ଘୋଡାଇ ରଖନ୍ତୁ । ଏବେ ଆଞ୍ଚ କମ କରି କିଛି ସମୟ ଛାଡି ଦିଅନ୍ତୁ
। ଏହା ଜୁକୁଜୂକିଆ ହୋଇ ଆସିଗଲେ ସଜନା ଶାଗ ପକାଇ ଅଳ୍ପ ସମୟ ପରେ ଆଞ୍ଚରୁ ଓହ୍ଲାଇ
ରଖନ୍ତୁ । ନଜର ଦେବେ ଯେପରି ସଜନା ଶାଗ ବେଶୀ ସିଝି ନ ଯାଏ । ଏହା ଅଧିକ ପୃଷ୍ଟିକର ଓ ସବୁ ବେଳେ
କରି ଖାଇ ପାରିବେ ।
No comments:
Post a Comment