ଖଟା (ରାଗ) ସୁପ - Hot-Sour Soup
ସାମଗ୍ରୀ:-
ଅଧା କପ ବନ୍ଧାକୋବି କୋରା, ଅଧା କପ ଗାଜର କୋରା, ୬/୭ ଟି ବିନସ ଛୋଟ ଛୋଟ କଟା , ୪/୬ ଟି ବଟମ ଛତୁ ଛୋଟ ଛୋଟ କଟା, ଅଧା ପିଆଜ ଶଣ୍ଢା ଛୋଟ ଛୋଟ କଟା, ୧ ଟି ସିମଳା ମିର୍ଚ ଛୋଟ ଛୋଟ କଟା, ୪/୫ ପାଖୁଡା ରସୁଣ, ଅଧା ଚାମଚ ଅଦା ଛେଚା, ଭେଜିଟେବଲ ଷ୍ଟକ ୫/୬ କପ , ୩ ଚାମଚ କର୍ନଫ୍ଲୋର, ଲୁଣ ଓ ଗୋଲମରିଚ ଗୁଣ୍ଡ ସ୍ଵାଦ ଅନୁଯାଇ, ୨ ଚାମଚ ତେଲ, ୨ ଚାମଚ ଗ୍ରୀନ ଚିଲି ସସ ।
ପ୍ରଥମେ କରେଇରେ ତେଲ ଗରମ କରି ଏଥିରେ
ପିଆଜ ଶଣ୍ଢାର ପକାଇ, ରସୁଣ ଓ
ଅଦା ଛେଚା ଦେଇ ଭାଜନ୍ତୁ । ୧/ ୨ ମିନିଟ ପରେ ଏଥିରେ ସବୁ ପରିବା କଟା ଦେଇ ୨ /୩ ମିନିଟ ଆଞ୍ଚରେ
ଭାଜନ୍ତୁ । ଏବେ ଏଥିରେ
ଭେଜିଟେବଲ ଷ୍ଟକ ଦିଅନ୍ତୁ । ସୁପ ଫୁଟିଲେ କର୍ନଫ୍ଲୋରରେ ½ କପ ଥଣ୍ଡା ପାଣି ଦେଇ ମିଶ୍ରଣ କରି ଏହି
ସୁପରେ ମିଶାନ୍ତୁ । ଏହାକୁ
ଭଲକରି ଗୋଳାନ୍ତୁ । ସୁପ ଗାଢା
ହେଲେ ଗ୍ରୀନ ଚିଲି ସସ , ସୋୟା ସସ
ପକାନ୍ତୁ । ଲୁଣ ଓ ଗୋଲମରିଚ ଗୁଣ୍ଡ ସ୍ଵାଦ ଅନୁସାରେ
ଦିଅନ୍ତୁ । ସୁପ ର ସ୍ଵାଦ ବଢାଇବା ପାଇଁ ଏଥିରେ ଗରମ ତେଲରେ ନାଲି ଲଙ୍କା ଗୁଣ୍ଡ ଫୁଟାଇ ମିଶାଇ ଦିଅନ୍ତୁ । ଏହାକୁ ଗରମ ଗରମ ପରସନ୍ତୁ ।