* *** WISH YOU ALL A HAPPY Diwali ...... Best Wishes for MAKING YOUR KITCHEN CLEAN ...THANKS FOR BEING WITH US FOR MORE THAN FIVE YEARS.. ଜୟ ଓଡିଶା....Enjoy and Celebrate... * Use E-Cards.E-Greetings,E-mail. Follow by Email. Save our Green Odisha.. ATULYA ODISHA

Oct 16, 2019

ମିକ୍ସ କୋପ୍ତା ତରକାରୀ – Mix Kopta Curry


ମିକ୍ସ କୋପ୍ତା ତରକାରୀ – Mix Kopta Curry
ପ୍ରସ୍ତୁତି ସାମଗ୍ରୀ-

କଞ୍ଚା କଦଳୀ ୩ଟି, ଅମୃତଭଣ୍ଡା ୧୦୦ ଗ୍ରାମ, ନଡିଆ କୋରା ୧ କପ, କାଜୁ ୧୦ ଟି, ହଳଦୀ ଓ ଲୁଣ ଆବଶ୍ୟକ ଅନୁସାରେ, ରସୁଣ ୫/୬ ପାଖୁଡା, ପିଆଜ ୨ଟି , କଞ୍ଚା ଲଙ୍କା ୧ଟି, ଡାଲଚିନ, ଜୀରା, ଅଦା ଛୋଟ ଖଣ୍ଡେ, ଧନିଆ ପାଉଡର ୧/୨ ଚାମଚ, ଟମାଟୋ ୧ଟି, ଛାଣିବା ପାଇଁ ତେଲ, ବେସନ ୧୦୦ ଗ୍ରାମ

ପ୍ରଣାଳୀ

ପ୍ରଥମେ କଦଳୀ ଓ ଅମୃତଭଣ୍ଡା ର ଚୋପା ଛଡାଇ କାଟି ସିଝାଇ ଦିଅନ୍ତୁ ।  ରସୁଣ , କଞ୍ଚା ଲଙ୍କା, ଜୀରା, ଧନିଆ ପାଉଡର, କାଜୁ, ଅଦା ବାଟି ରଖନ୍ତୁ । ପିଆଜ କାଟି ରଖନ୍ତୁ ।  ଏବେ ନଡିଆକୋରା, ସିଝା କଦଳୀ, ଅମୃତଭଣ୍ଡା, ବେସନ , ଅଳ୍ପ ଲୁଣ ଓ ହଳଦୀ ଗୁଣ୍ଡ ଦେଇ ଭଲ ଭାବେ ଚକଟି ଦିଅନ୍ତୁ ।   

ଏବେ ଚୁଲାରେ ତେଲ ଗରମ କରି ଛୋଟ ଛୋଟ ବଡି ପରି କରି ବାଦାମି ରଙ୍ଗ ହେବା ପର୍ଯ୍ୟନ୍ତ ଛାଣି ଦିଅନ୍ତୁ। ଛଣା ସରିଗଲା ପରେ ଅନ୍ୟ ଏକ କରେଇରେ ଅଳ୍ପ ତେଲ ଗରମ କରି ପିଆଜକୁ ଭାଜନ୍ତୁ। ଏଥିରେ ମସଲା ବଟା,ଡାଲଚିନ ଗୁଣ୍ଡ , କଟା ଟମାଟୋ ଦେଇ କସନ୍ତୁ । ପରେ ଦୁଇ କପ ପାଣି ଦେଇ ଫୁଟାନ୍ତୁ ଓ ଛଣା କୋପ୍ତା ପକାଇ ଆସ୍ତେ ଆସ୍ତେ ଗୋଳାଇ କିଛି ସମୟପରେ ଡାଲଚିନ ଗୁଣ୍ଡ ଓ ଜୀରା ଗୁଣ୍ଡ ଅଳ୍ପ ପକାଇ ବାହାର କରି ପରସନ୍ତୁ ।  ଏଥିରେ ଧନିଆ ପତ୍ର ଓ ଅଳ୍ପ ଲେମ୍ବୁ ଦେଇ ମଧ୍ୟ ଖାଇବାକୁ ଦେଇ ପାରିବେ

Oct 1, 2019

ବିରି ଲଡୁ - Black daal Laddu


ବିରି ଲଡୁ - Black daal Laddu
ପ୍ରସ୍ତୁତି ସାମଗ୍ରୀ-

ବିରି ୨୫୦ ଗ୍ରାମ, ସୁଜି ୫୦ ଗ୍ରାମ, ପାନମଧୁରୀ ଅଳ୍ପ, ଛାଣିବା ପାଇଁ ଘିଅ, ପାଚିଲା କଦଳୀ ୨ଟି , ଲୁଣ ଆବଶ୍ୟକ ଅନୁସାରେ ।

ପ୍ରଣାଳୀ

ବିରିକୁ କିଛି ସମୟ ବତୁରାଇ ଧୋଇ ଚିକ୍କଣ କରି ବାଟି ରଖନ୍ତୁ । ଏଥିରେ ପାନମଧୁରୀ, ଗୁଡ, ଲୁଣ ପକାଇ ଭଲଭାବେ ଗୋଳାଇ ମିଶାନ୍ତୁ । ପାଚିଲା କଦଳୀ ୨ଟି ଚକଟି ମିଶାଇ ଦିଅନ୍ତୁ ।  ଏହାକୁ ଲଡୁ ଆକାରରେ କରି ରଖନ୍ତୁ । ଏବେ କରେଇରେ ଘିଅ ଗରମ କରି ଛାଣି ନିଅନ୍ତୁ । ଏବେ ପ୍ରସ୍ତୁତ ଆପଣଙ୍କ ବିରି ଲଡୁ ।   ଏହାକୁ ଥଣ୍ଡା ହେଇଆସିଲେ ଖାଇବାକୁ ଦିଅନ୍ତୁ ।  

Sep 16, 2019

ଚୁଡା ପିଠା– Flattened Rice Pithaa


ଚୁଡା ପିଠା  Flattened Rice Pithaa
ପ୍ରସ୍ତୁତି ସାମଗ୍ରୀ-

ଚୁଡା ୫୦୦ ଗ୍ରାମ, ଦହିଛେନା ୧୦୦ ଗ୍ରାମ, ନଡିଆ ୧ଟା, ମଇଦା ୨-୩ ଚାମଚ, ଚିନି ୧୦୦ ଗ୍ରାମ, ପାନମଧୁରୀ  ୧ ଚାମଚ, ଛାଣିବା ପାଇଁ ରିଫାଇନ ତେଲ, ଅଳେଇଚ ଗୁଣ୍ଡ ଅଧା ଚାମଚ, ଲୁଣ ଆବଶ୍ୟକ ଅନୁସାରେ ।

ପ୍ରଣାଳୀ

ପ୍ରଥମେ ଚୁଡାକୁ ଧୋଇ ଅଳ୍ପ ପାଣିରେ ଭିଜାଇ ରଖନ୍ତୁ ।  ଏବେ ଏଥିରେ ମଇଦା, ଲୁଣ, ପାନମଧୁରୀ ପକାଇ ଚକଟି ଦିଅନ୍ତୁ ।   ନଡିଆ କୋରି, ଛେନା ଓ ଚିନି ମିଶାଇ ପୁର ପ୍ରସ୍ତୁତ କରି ରଖନ୍ତୁ । ପୁରରେ ଅଳେଇଚ ଗୁଣ୍ଡ ମିଶାଇ ଏହି ପିଠା ମଝିରେ ଦିଅନ୍ତୁ । କରେଇରେ ତେଲ ଗରମ କରି ଏହି ପିଠାଗୁଡିକୁ ଛାଣି ଦିଅନ୍ତୁ ।  ଏବେ  ପ୍ରସ୍ତୁତ ଆପଣଙ୍କ ଚୁଡାପିଠା ।   ଏହାକୁ ଗରମ ଗରମ ଖାଇବାକୁ ଦିଅନ୍ତୁ ।

Sep 1, 2019

ମୁଗ ଡାଲି ଗାଜର – Mung dal - Carrot


ମୁଗ ଡାଲି ଗାଜର   Mung dal - Carrot

ପ୍ରସ୍ତୁତି ସାମଗ୍ରୀ-

ମୁଗ ଡାଲି ୨ କପ, କଞ୍ଚା ଲଙ୍କା ୩ ଟି, ଟମାଟୋ ୨ ଟି , ତେଲ ୨ ଚାମଚ, ଗାଜର କୋରା ୧ କପ , କଟା ଧନିଆ ପତ୍ର ୧ କପ , ଚୂନ ଚୁନ କଟା ପିଆଜ ୩ ଟି  

ପ୍ରଣାଳୀ

ପ୍ରଥମେ ମୁଗ ଡାଲିକୁ  ଦର ସିଝା କରି ରଖନ୍ତୁ ।  ଏବେ ତେଲ ଗରମ କରି ସୋରିଷ ଫୁଟାନ୍ତୁ ଓ ପିଆଜ ଦିଅନ୍ତୁ । 
ଏହା ପରେ ଡାଲି , କୋରା ଗାଜର , କଞ୍ଚା ଲଙ୍କା ପକାଇ ଭଲ ଭାବେ ଗୋଳାଇ ଦିଅନ୍ତୁ ।  ଏବେ ଏଥିରେ କଟା ଧନିଆ ପତ୍ର ପକାଇ ଗରମ ଗରମ ପରସନ୍ତୁ