ଆମ୍ବ ଶଢା ଚମଚମ – Mango Shadhaa Chamcham
ପ୍ରସ୍ତୁତି ସାମଗ୍ରୀ :
ଆମ୍ବ ଶଢା ୫-୬ ପିସ , ଭୃଶୁଙ୍ଗା ପତ୍ର ୧୫-୨୦ ଟି , ଗୋଟା ବୁଟ-୧୦୦ ଗ୍ରାମ , ତେନ୍ତୁଳୀ ଅଳ୍ପ , ପାଞ୍ଚ
ଫୁଟଣ , ହେଙ୍ଗୁ ଅଳ୍ପ , କଞ୍ଚା ଲଙ୍ଗ ୨ ଟି , ତେଲ ଅଳ୍ପ ,
ଲୁଣ, ହଳଦୀ ସ୍ଵାଦ ଅନୁଯାଇ ।
ପ୍ରଣାଳୀ :
ପ୍ରଥମେ କରେଇ ଆଞ୍ଚରେ ବସାଇ ତେଲ ପକାଇ ଗରମ ହେଲେ ପାଞ୍ଚ
ଫୁଟଣ, ଭୃଶୁଙ୍ଗା ପତ୍ର , ହେଙ୍ଗୁ ପକାଇ ଛୁଙ୍କ ଦିଅନ୍ତୁ । ସେଥିରେ ଏବେ ଆଗରୁ
ଭିଜା ଯାଇଥିବା ଗୋଟା ବୁଟ ପକାଇ ଓ ତାପରେ ଆମ୍ବ ଶଢା ପକାଇ ଅଳ୍ପ ପାଣି ଦେଇ
ସିଝିବା ପାଇଁ ଢାଙ୍କି ଦିଅନ୍ତୁ । ୮-୧୦
ମିନିଟ ସିଝିଲା ପରେ ଆମ୍ବ ଶଢାକୁ ଭଲଭାବେ ମିଶାଇ ଦିଅନ୍ତୁ ଓ ଦେଖନ୍ତୁ ଯେପରି ପାଣି ଜୁକ ଜୁକିଆ ହୋଇ ଆସିବ । ଆସିବ ଏବେ ଅଳ୍ପ ତେନ୍ତୁଳୀ ନେଇ ଅଧାକପ ପାଣିରେ ଚକଟି ଖଦାକୁ ବାହାରକରି ଏହି ପାଣିକୁ ଦିଅନ୍ତୁ
ଓ ଅଳ୍ପ ସମୟ ଫୁଟାଇ ଆଞ୍ଚରୁ ବାହାର କରି ପରସନ୍ତୁ । । ଏହା
ଖାଇବାକୁ ସ୍ଵାଦିଷ୍ଟ ଓ ଭାତ , ରୋଟି କିମ୍ବା ବ୍ରେଡ ସହ ଖାଇବାକୁ
ଭଲଲାଗେ ।