ଥାଲକୁଡି ଆଳୁ କଷା – Thalkudi Potato curry
ପ୍ରସ୍ତୁତି ସାମଗ୍ରୀ :
ଥାଲକୁଡ଼ି ବା ବ୍ରାହ୍ମୀ
ପତ୍ର ୨୦୦ ଗ୍ରାମ , ଆଳୁ ୪ ଟି
, ଟମାଟୋ ୨ ଟି , ପିଆଜ ୧ ଟି , ୧୦ କୋଲା ରସୁଣ , ଲଙ୍କା ୨ଟି , ପୋସ୍ତ
୧ ଚାମଚ ,ଅଦା ଛୋଟ ଖଣ୍ଡେ , ଡାଲଚିନ ଛୋଟ ଖଣ୍ଡେ
, ଜୀରା ଅଧା ଚାମଚ , ସୋରିଷ ତେଲ ୨ ଚାମଚ , ହେଙ୍ଗୁ ଅଳ୍ପ , ଲୁଣ ଓ ହଳଦୀ ସ୍ଵାଦ ଅନୁସାରେ ।
ପ୍ରଣାଳୀ :
ପ୍ରଥମେ ଥାଲକୁଡ଼ି ପତ୍ରକୁ ଡେମ୍ଫ
ସହିତ ଧୋଇ ବାଟି ରଖନ୍ତୁ । ଟମାଟୋକୁ ଗ୍ରାଇଣ୍ଡିଙ୍ଗ କରି ରଖନ୍ତୁ । ପିଆଜ , ଅଦା ଓ ଲଙ୍କା ବାଟି ରଖନ୍ତୁ ।
ପୋସ୍ତ ଓ ଜୀରା କୁ ଅଲଗା ବାଟି ରଖନ୍ତୁ । ଏବେ ଆଳୁକୁ ଚୋପା ଛଡେଇ ଲମ୍ବା ଲମ୍ବା କରି କାଟି ରଖନ୍ତୁ
। ଏବେ କରେଇରେ ତେଲ ଗରମ କରି ଟିପେ ହେଙ୍ଗୁ ପକାଇ ମସଲା ବଟା ପକାଇ କଷନ୍ତୁ । ମସଲା କଷି ହେଲା ପରେ
ପୋସ୍ତ ବଟା ପକାନ୍ତୁ ଓ ଅଳ୍ପ ସମୟ କଷି ବଟା ଥାଲକୁଡ଼ି ପକାନ୍ତୁ । ଲୁଣ ଓ ହଳଦୀ ପକାଇ ଅଳ୍ପ ସମୟ
ସନ୍ତୁଳି ଆଳୁ ପକାନ୍ତୁ ଓ ଘୋଡାଇ ଦିଅନ୍ତୁ । ଆଳୁ ସିଝି ଆସିଲେ ଟମାଟୋ ପେଷ୍ଟ ପକାନ୍ତୁ ଓ କିଛି
ସମୟ କଷନ୍ତୁ । ଆଳୁ ସିଝି କଷି ଆସିଲେ ଏଥର ଡାଲଚିନି କୁଟି ପକାଇ ତରକାରୀ ବାହାର କରି ନିଅନ୍ତୁ ।
ଏବେ ପ୍ରସ୍ତୁତ ବ୍ରେନ ଟନିକ ତରକାରୀ ଥାଲକୁଡ଼ି ଆଳୁ
କଷା । ଏହା ପିଲାମାନଙ୍କ ପାଇଁ ଅତ୍ୟନ୍ତ ଉପକାରୀ ଓ ସ୍ଵାଦିଷ୍ଟ ମଧ୍ୟ ।