ନଡିଆ –ଦହି ଘାଣ୍ଟ ତରକାରୀ -COCONUT CURD MIX CURRY
ପ୍ରସ୍ତୁତି ସାମଗ୍ରୀ –
କୋରା ନଡିଆ ୪ କପ, ୨ ବା ୩ ଟି କଞ୍ଚା ଲଙ୍କା ,ଅଦା ବଡ ଖଣ୍ଡେ , ୩ ଚାମଚ ଜିରା , ୩ କପ ଦେଶୀ ଫେଣ୍ଟା ଖଟା ଦହି , ୩ କପ ପାଣି ,୫୦୦ ଗ୍ରାମ ଦେଶୀ ଆଳୁ ,୫୦୦ ଗ୍ରାମ ପାଣିକଖାରୁ , ୪ ଟି କଞ୍ଚା କଦଳୀ , ୪ ବା ୫ ଟି ସଜନା ଛୁଇଁ , ୨୫୦ ଗ୍ରାମ କଖାରୁ , ୧୦୦ ଗ୍ରାମ ଶିମ୍ବ , ସ୍ଵାଦ ଅନୁସାରେ ପ୍ରାୟ ୬ ଚାମଚ ଲୁଣ , ୩ ଡାଳ ଭୃଶଙ୍ଗା ପତ୍ର , ୪ ବା ୫ ଚାମଚ ହଳଦୀ ଗୁଣ୍ଡ , ୪ ଚାମଚ ଦେଶୀ ଘିଅ ।
ନଡିଆ, ଲଙ୍କା ଜିରା ଅଳ୍ପ ପାଣି ଦେଇ ଭଲ
ଭାବରେ ବାଟି ଦିଅନ୍ତୁ । ଏଥିରେ ଦହି , ଅଦା ଛେଚା ମିଶାଇ ଭଲ ଭାବରେ ଗୋଳାଇ
ଦିଅନ୍ତୁ । ନଡିଆ ବଟା ,ଭୃଶଙ୍ଗା ପତ୍ର ଓ ଘିଅ ବ୍ୟତୀତ ସମସ୍ତ
ସାମଗ୍ରୀ ମିଶାଇ ଗୋଟିଏ ସିଟି ପର୍ଯ୍ୟନ୍ତ ପ୍ରେସରରେ ବସାଇ ଦିଅନ୍ତୁ । ୧ ଟି ସିଟି
ପରେ ସଙ୍ଗେ ସଙ୍ଗେ ହୁଇସିଲ ଖୋଲି ଦିଅନ୍ତୁ । ଏଥିରେ ନଡିଆ ବଟା , ଭୃଶଙ୍ଗା ପତ୍ର ଓ ଘିଅ ମିଶାଇ ଭଲ ଭାବେ
ଘାଣ୍ଟି ଦିଅନ୍ତୁ । ଆଞ୍ଚରେ ବସେଇ ଫୁଟି ଆସିବା ପର୍ଯ୍ୟନ୍ତ
ରଖି ଆଞ୍ଚ କମେଇ ୨ /୩ ମିନିଟ ଧୀରେ ଧୀରେ ଫୁଟିବାକୁ
ଦିଅନ୍ତୁ । ଏହାପରେ ଅନ୍ୟ ଏକ ପାତ୍ରକୁ କାଢି
ଦିଅନ୍ତୁ ଓ ଉପରେ ଘିଅ ଦିଅନ୍ତୁ । ଭୃଶଙ୍ଗା ପତ୍ର ଓ ଘିଅ ଗରମ ଗରମ
ଖାଇବାକୁ ପରଷନ୍ତୁ ।