ମେଥି କର୍ନ ପଲଉ - Fenugreek Corn Palao
ଆବଶ୍ୟକ ସାମଗ୍ରୀ:
୫୦୦ ଗ୍ରା . ଡେରାଡୁନ ବାସୁମତୀ ଚାଉଳ , ୨ ବିଡା ମେଥି ଶାଗ , ଅଧା କପ୍ ମକା ଦାନା , ୨ ଟି ବଡ ପିଆଜ , ୨/୩ଟି ଗୁଜୁରାତି , ୫/୬ଟି ଲବଙ୍ଗ , ୧ ଖଣ୍ଡ ଡାଲଚିନି , ୨ ଟି ତେଜପତ୍ର , ୭/୮ଟି ଗୋଟା ଗୋଲମରିଚ , ୧ ଛୋଟ ଚାମଚ ଗରମମସାଲା ଗୁଣ୍ଡ, ୨/୩ଟି କଟା କଞ୍ଚାଲଙ୍କା , ୨ ବଡ ଚାମଚ ଦେଶୀ ଘିଅ ଓ ଆବଶ୍ୟକ ଅନୁଯାୟୀ ଲୁଣ |
ପ୍ରସ୍ତୁତ ପ୍ରଣାଳୀ :
ଚାଉଳକୁ ଧୋଇ ବତୁରାଇ ରଖନ୍ତୁ | ଶାଗକୁ ବାଛି ପତ୍ର ଅଲଗା କରି ଧୋଇ କାଟି ରଖନ୍ତୁ | ପିଆଜକୁ ଲମ୍ବାଲାମ୍ବା କାଟି ରଖନ୍ତୁ | ଡେକ୍ଚିରେ ଘିଅ ଗରମ କରି ଉପରେ ଦିଆଯାଇଥିବା ସମସ୍ତ ଗରମମସାଲା , ତେଜପତ୍ର , କଟା ପିଆଜ ଓ କଟା କଞ୍ଚାଲଙ୍କା ପକାଇ ଭାଜନ୍ତୁ | ପିଆଜ ଭାଜି ହୋଇଆସିଲେ ଚାଉଳକୁ ପକାନ୍ତୁ | ମକା ଦାନା କିମ୍ବା ମକାରୁ ଦାନା କାଢି ଚାଉଳରେ ପକାଇ ଭଲ ଭାବରେ ଗୋଳାନ୍ତୁ | ଏବେ ମେଥିପତ୍ର ପକାଇ ଗୋଳାଇ ଚାଉଳରେ ୨ ଗୁଣା ପାଣି , ଗରମମସାଲା ଗୁଣ୍ଡ ଓ ଆବଶ୍ୟକ ଅନୁଯାୟୀ ଲୁଣ ପକାଇ ଢାଙ୍କୁଣୀ ଘୋଡାଇ ଧିମା ଆଞ୍ଚରେ ଭାତ ହେବା ଯାଏ ରାନ୍ଧନ୍ତୁ | ଚୁଲିରୁ ଓହ୍ଲାଇ ଭଲଭାବରେ ଗୋଳାଇ ପରିବେଷଣ କରନ୍ତୁ ମେଥି କର୍ନ ପଲଉ |