* *** PLANT A NEEM TREE.... WISH YOU ALL A HAPPY HOME STAY AND SAFE FROM CORONA ......... Best Wishes for MAKING YOUR KITCHEN CLEAN ...THANKS FOR BEING WITH US FOR MORE THAN FIVE YEARS.. ଜୟ ଓଡିଶା....Enjoy and Celebrate... * Use E-Cards.E-Greetings,E-mail. Follow by Email. Save our Green Odisha.. ATULYA ODISHA

Jun 16, 2020

ସାଧା ବେସର – Veg Besar

ସାଧା ବେସର – Veg Besar
ପ୍ରସ୍ତୁତି ସାମଗ୍ରୀ-

ମାଟି ଆଳୁ, ପୋଟଳ, କଖାରୁ, ସାରୁ, ଅମୃତ ଭଣ୍ଡା, କଞ୍ଚା କଦଳୀ ପ୍ରତ୍ୟକ ୨୫୦ ଗ୍ରାମ, ହଳଦୀ ଗୁଣ୍ଡ ଓ ଲୁଣ ଆବଶ୍ୟକ ଅନୁସାରେ, ଗୁଆ ଘିଅ ୨/୩ ଚାମଚ, ପାନମଧୁରୀ, ସୋରିଷ ଓ ପୋସ୍ତ ୨ ଚାମଚ କରି , ନଡିଆ ୧ଟି , ଶୁଖିଲା ଲଙ୍କା ୨/୩ ଟି , ଅଦା ଖଣ୍ଡେ, ଫୁଟଣ ୨ ଚାମଚ, ହେଙ୍ଗୁ ଅଧା ଚାମଚ    

ପ୍ରଣାଳୀ

ପ୍ରଥମେ ମାଟି ଆଳୁ, ପୋଟଳ, କଖାରୁ, ସାରୁ, ଅମୃତ ଭଣ୍ଡା, କଞ୍ଚା କଦଳୀକୁ ଭଲ ଭାବେ ଧୋଇ ଚାରିକୋଣି  ଭଳି କାଟି ରଖନ୍ତୁ ।   ନଡିଆ କୋରି କରି ରଖନ୍ତୁ ।  ବଡିକୁ ଅଳ୍ପ  ଗୁଆରେ ଭାଜି ରଖନ୍ତୁ ।   ପାନମଧୁରୀ, ସୋରିଷ ଓ ପୋସ୍ତ କୁ ବାଟି ବା ପେଷ୍ଟ  କରି ରଖନ୍ତୁ ।  

ଏବେ ଆଞ୍ଚରେ କରେଇ ବସେଇ ଅଳ୍ପ ପାଣି ଦେଇ ପାରିବା କଟା, ଲୁଣ, ହଲିଦି ଗୁଣ୍ଡ, ବଟା ମସଲା, କଟା ଅଦା ପକାଇ ଅଳ୍ପ ସମୟ ଢାଙ୍କି ସିଝାନ୍ତୁ ।   ଏହାପରେ ଏଥିରେ ନଡିଆ କୋରା, ଭଜା ବଡି ପକାଇ ଆଉ କିଛି ସମୟ ସିଝାନ୍ତୁ ।   ସିଝି ଆସିଲେ ଅନ୍ୟ ଏକ ପ୍ୟାନରେ ଘିଅ ଗରମ କରି, ଲଙ୍କା ଓ ଫୁଟଣ ଫୁଟାଇ ଏଥିରେ ହେଙ୍ଗୁ ପକାଇ ଗରମ ଗରମ ଅବସ୍ଥାରେ ତରକାରୀରେ  ଭଲ ଭାବେ ମିଶାଇ ଦିଅନ୍ତୁ ।   ଏବେ ପ୍ରସ୍ତୁତ ଆପଣଙ୍କ  ମନପସନ୍ଦ ପାରିବା ବେସର ।   

Jun 1, 2020

ପାଉଁରୁଟି ମାଲପୁଆ – Bread Malpuaa


ପାଉଁରୁଟି  ମାଲପୁଆ – Bread Malpuaa
ପ୍ରସ୍ତୁତି ସାମଗ୍ରୀ-

ପାଉଁରୁଟି ୫/୬ ପିସ, ମଇଦା ୧୦୦ ଗ୍ରାମ, ଛାଣିବା ପାଇଁ ରିଫାଇନ ତେଲ, ପାଚିଲା କଦଳୀ ୨ ଟି, ଗୁଜୁରାତି  ୨ଟି,  ଚିନି ୧୦୦ ଗ୍ରାମ, ଗୁଲମରିଚ ଗୁଣ୍ଡ ଅଧା ଚାମଚ, ପାନ ମହୁରୀ  ୧ ଚାମଚ, କିଛି କାଜୁ ଓ କିସମିସ       

ପ୍ରଣାଳୀ –.

ପ୍ରଥମେ ପାଉଁରୁଟିକୁ  କିଛି ସମୟ ପାଣିରେ  ଭିଜାଇ ରଖନ୍ତୁ।   ଏବେ ମଇଦା, ପାଚିଲା କଦଳୀ ପକାଇ ଏକାଠି ଭଲ ଭାବେ ଚକଟି ଦିଅନ୍ତୁ।   ପାନ ମହୁରୀ, ଗୋଲମରିଚ ଗୁଣ୍ଡ ଓ ଗୁଜୁରାତି ଗୁଣ୍ଡ ଏକାଠି ମିଶାଇ ଦିଅନ୍ତୁ ।  ଏବେ କରେଇରେ ତେଲ ଗରମ କରି ଏହାକୁ ଗୋଲ ଗୋଲ କରି ଛାଣି ଦିଅନ୍ତୁ । 

 ଏହାକୁ ଚିନି ସିରା କରି କିଛି ସମୟ ପକାଇ ରଖି ଖାଇବାକୁ ଦେଇପାରିବେ କିମ୍ବା ବିନା ଚିନି ସିରାରେ ମଧ୍ୟ ଖାଇ ପାରିବେ ।  ଏହା ଉପରେ କାଜୁ ସ୍ଲାଇସ ଓ କିସମିସ ସଜାଇ ପରସନ୍ତୁ ।

May 16, 2020

ଫୁଟି କାକୁଡି ଆଇସକ୍ରିମ – Yellow Cucumber IceCream


ଫୁଟି କାକୁଡି ଆଇସକ୍ରିମ – Yellow Cucumber IceCream
ପ୍ରସ୍ତୁତି ସାମଗ୍ରୀ-

ଫୁଟି କାକୁଡି ୫୦୦ ଗ୍ରାମ, ମିଲ୍କ ପାଉଡର ୨୫୦ ଗ୍ରାମ, ଚିନି ୨୦୦ ଗ୍ରାମ, ଚେରୀ ୧୫ ଟି, ଗୁଜୁରାତି ୨ଟି       


ପ୍ରଣାଳୀ

ପ୍ରଥମେ ଫୁଟିକାକୁଡିରୁ  ଚୋପା ଛଡାଇ ମଞ୍ଜି ବାହାର କରି ରଖନ୍ତୁ ଏହାକୁ ଗ୍ରାଇଣ୍ଡରରେ  ଭଲ ଭାବରେ ଗ୍ରାଇଣ୍ଡ କରି ଏଥିରେ ମିଲ୍କ ପାଉଡର ଓ ଚିନି ପକାଇ ଭଲ ଭାବରେ ଫେଣ୍ଟି ଦିଅନ୍ତୁ । 
ଏବେ ଏହାକୁ ଫ୍ରିଜରେ ରଖି ଥଣ୍ଡା କରି ଗୁଜୁରାତି ଗୁଣ୍ଡ ଅଳ୍ପ ପକାଇ ଆଉଥରେ ଫେଣ୍ଟି ଦିଅନ୍ତୁ ।  


ଏହା ଉପରେ ଚେରୀ କାଟି ସଜାଇ ପରସନ୍ତୁ  ।  ଏହା ଯେପରି ସୁଆଦିଆ ସେପରି ଖାଦ୍ୟ ସାର ଯୁକ୍ତ ମଧ୍ୟ । 


May 1, 2020

ଚୋକଲେଟ କେକ – Chocolate Cake


ଚୋକଲେଟ କେକ – Chocolate Cake
ପ୍ରସ୍ତୁତି ସାମଗ୍ରୀ-

ଓରିୟ ବା ଅନ୍ୟ ଚୋକଲେଟ ବିସକୁଟ ପ୍ୟାକଟ 3 ଟି, ଲହୁଣୀ ( butter) ଅଳ୍ପ, କ୍ଷୀର, ବଟର ପେପର,  ଚେରି, ବେକିଂ ପାଉଡର  
   
ପ୍ରଣାଳୀ


ପ୍ରଥମେ ବିସକୁଟକୁ ପ୍ୟାକଟରୁ କାଢି କ୍ରିମକୁ  ବାହାର କରି ଅଲଗା ରଖନ୍ତୁ । ଗ୍ରାଇଣ୍ଡରରେ ବିସକୁଟ ଗୋଡିକୁ ଗୁଣ୍ଡ କରି ରଖନ୍ତୁ ।  ଏଥିରେ ଅଳ୍ପ ବେକିଂ ପାଉଡର, ଲହୁଣୀ ଏବଂ ଆବଶ୍ୟକ  କ୍ଷୀର ମିଶାଇ ଭଲଭାବେ ଗୋଳେଇ ଦିଅନ୍ତୁ ଯେପରି ଅଧିକ ପଣିଆ ନ ହୁଏ  । ଏହା କେକର ପେଷ୍ଟ ହୋଇଗଲା । ଏବେ ପ୍ରେସର କିମ୍ବା କରେଇ ଗରମ କରି ଏକ କେକ ଫ୍ରେମ ବା ଗ୍ରୀଲ ପକାଇ ରଖନ୍ତୁ ଯେପରି ତା ଉପରେ କେକ ପ୍ୟାନ ରଖି ପାରିବେ । ଏବେ କେକ ପ୍ୟାନ ବା ଷ୍ଟିଲ ପାତ୍ରରେ ପ୍ରଥମେ ଲହୁଣୀ ମାରି  ତା ଉପରେ ବଟର ପେପର ପକାଇ ଏହା ଉପରେ ବିସକୁଟ କେକ ପେଷ୍ଟକୁ ଅଧା ଦେଇ ଭଲ ଭାବେ ବସାଇ ଦିଅନ୍ତୁ ।  ଏବେ ଗରମ କରି ଢାଙ୍କୁଣୀ ବନ୍ଦ କରି  ୫/୭ ମିନିଟ  ହୋଇଗଲେ ବାହାରକୁ ଆଣି କ୍ରିମକୁ କେକ ଉପରେ ଭଲଭାବେ ପକାଇ ଏହା ଉପରେ ଆର ଅଧକ କେକ ପେଷ୍ଟ ଦେଇ ଆଞ୍ଚରେ ବସାଇ ଦିଅନ୍ତୁ ।   ୫/୭ ମିନିଟ ହୋଇଗଲେ ଟୁଥପିକ ବା ଫୋର୍କ ବା ଛୁରୀ ରେ ଦାଗୀ ମାରି ଦେଖିବେ ଯେପରି ସେଥିରେ କେକ ଲାଗିବା ନାହିଁ , ତେବେ କେକ ହୋଇଗଲା ଜାଣିବେ ଏବଂ  ବାହାରକୁ ଆଣି  ଥଣ୍ଡା କରି ଏହା ଉପରେ କେକ କ୍ରିମ ଓ ଚେରୀ ୪/୫ ଟି   ପକାଇ ସଜାଇ ପରସନ୍ତୁ ।