ବ୍ରେଡ୍ ଦହିବରା - BREAD DAHI BADA
ଆବଶ୍ୟକ ସାମଗ୍ରୀ:
୧ ପ୍ୟାକେଟ ବ୍ରେଡ୍, ୨୫୦ ଗ୍ରା. ଆଳୁ, ୫୦୦ ଗ୍ରା. ଦହି, ୨ଟି ପିଆଜ, ୧ଟି ରସୁଣ, ୧ ଛୋଟ ଖଣ୍ଡ ଅଦା, ୧ ଟି ବିଲାତି ବାଇଗଣ, ୪ ଚାମଚ ଜୀରା, ୪ ଚାମଚ ଗୁଣ୍ଡ ଲଙ୍କା, ଅଧା ଚାମଚ ଗୁଣ୍ଡ ହଳଦୀ, ୨ ଚାମଚ ଚାଟ ମସଲା, ୪ ଚାମଚ ରିଫାଇନ |
ପ୍ରସ୍ତୁତି ପ୍ରଣାଳୀ :
ଆଳୁକୁ ସିଝାଇ ଚୋପା ଛଡାଇ ଚକଟି ଦିଅନ୍ତୁ | କଡେଇରେ ତେଲ ଗରମ କରି ବଟା ମସାଲା, ହଳଦୀ, ବିଲତି, ଲୁଣ ପକାଇ କଷନ୍ତୁ |ମସାଲା କଷି ହୋଇଗଲେ ସେଥିରେ ଚାଟ ମସାଲା ଗୋଳାଇ କାଢି ଆଣନ୍ତୁ | ଦହିରେ ଲୁଣ ପକାଇ ଭଲଭାବରେ ଫେଣ୍ଟି ଦିଅନ୍ତୁ | ଜିରାକୁ ଭାଜି ଗୁଣ୍ଡକରି ରଖନ୍ତୁ | ବ୍ରେଡଗୁଡ଼ିକର ଚାରିପାଖ କାଟି ଦିଅନ୍ତୁ ଏବଂ ବ୍ରେଡର ଚାରିପାଖରେ ପାଣିଲଗାଇ ଚାପି ଦିଅନ୍ତୁ |
ବର୍ତ୍ତମାନ ଏହି ବ୍ରେଡ ଖଣ୍ଡର ମଝିରେ ଆଳୁ ମସଲାକୁ ପୁର ଭଳି ରଖି ମୁହଁ ବନ୍ଦକରି ବରା ଭଳି ଗଢି ଦିଅନ୍ତୁ | ଏବେ ବ୍ରେଡ ବରାକୁ ପ୍ଲେଟରେ ରଖି ତା’ ଉପରେ ଦହି, ଗୁଣ୍ଡ ଜିରା ଓ ଗୁଣ୍ଡ ଲଙ୍କା ପକାଇ ପୁଦିନା ଚଟଣି ବା ମିଠା ତେନ୍ତୁଳି ଚଟଣି ସହିତ ପରିବେଷଣ କରନ୍ତୁ |