ଛୁଞ୍ଚିପତ୍ର ପିଠା – CHUNCHIPATRA
PITHAA
ସାମଗ୍ରୀ:-
ବସୁମତୀ ଅରୁଆ ଚାଉଳ -୩୦୦ ଗ୍ରାମ , ନଡିଆ ୧ ଫାଳ, ଗୁଜରାତି ୫ଟି , ଚିନି ୧୦୦ ବା ୧୫୦ ଗ୍ରାମ, ଲୁଣ ସ୍ଵାଦ ଅନୁସାରେ ।
ପ୍ରସ୍ତୁତି ପ୍ରଣାଳୀ:
ଅରୁଆ ଚାଉଳକୁ କିଛି ସମୟ ପାଣିରେ
ଭିଜାଇ ଚିକ୍କଣ ( ପାଣିଆ) କରି ବାଟି ରଖନ୍ତୁ । ନଡିଆ କୋରି , ଚିନି ଓ ଗୁଜରାତି ଗୁଣ୍ଡ ମିଶାଇ ରଖନ୍ତୁ । ତାୱା ଗରମ କରି
ତେଲ ପକାଇ ତେଲ ଚାରିଆଡେ ଠିକ ଭାବରେ ଲାଗିବା ପାଇଁ ବାଇଗଣ ଭୁଣ୍ଡିରେ ବା ଛୋଟ କପଡାରେ ଘଷି ଦିଅନ୍ତୁ
। ସ୍ଵାଦ ଚାଉଳ ବଟାକୁ ଲୁଣ ପକାଇ ଗୋଳାଇ ରଖନ୍ତୁ । ଏକ ସଫା ଧଳା କପଡାକୁ
ଏହି ପିଠଉରେ ବୁଡାଇ ତାୱା ଉପରେ ପତଳା କରି ମାରି
ଦିଅନ୍ତୁ । କିମ୍ବା ତାୱା ଉପରେ ଗୋଟିଏ ଯୁକ୍ତ ଚିହ୍ନ ଓ
ଗୋଟିଆ ଗୁଣନ ଚିହ୍ନ ଭଳି ଥୁଆନ୍ତୁ । ଦେଖିବେ ଗୋଲ ପିଠା ପରି ହୋଇଯିବ । ଉପରେ ନଡିଆ ପୁର ଦେଇ ଚାରି ଭାଙ୍ଗ କରି ପୁରକୁ ଢାଙ୍କି ଦିଅନ୍ତୁ
। ଚାରିକଡେ ଘିଅ ବୁଲାଇ
ପିଠାକୁ କାଢି ରଖନ୍ତୁ । ଏହା ପିଲା ଠାରୁ ବୃଦ୍ଧ ପର୍ଯ୍ୟନ୍ତ ସମସ୍ତଙ୍କ ପ୍ରିୟ । ଏହାକୁ ଖାଲି କିମ୍ବା ମଟର ତରକାରୀ
ସହ ଖାଇ ପାରିବେ ।