ପଣସମଞ୍ଜି ବରଫି – BARFI WITH JACK FRUIT SEEDS
ଆବଶ୍ୟକ ସାମଗ୍ରୀ :
୧ ପତ୍ରରେ କିଛି ପଣସମଞ୍ଜି, ଅଧା କପ ମିଲ୍କମେଡ, ୧ କପ ଚିନି , ୮ ଟି ଗୁଜରାତି , ୨ ଚାମକ ଗୁଆଘିଅ ଓ ୧୫ ଟି କାଜୁ |
ପ୍ରସ୍ତୁତି ପ୍ରଣାଳୀ :
ପଣସମଞ୍ଜିରୁ ଚୋପା ଛଡାଇ ଫାଳକରି ସିଝାଇ ଦିଅନ୍ତୁ | ସିଝା ପଣସମଞ୍ଜି ସହିତ ଅଧା କପ ଚିନି ଓ ଗୁଜରାତି ପକାଇ ଗ୍ରାଇଣ୍ଡ କରି ରଖନ୍ତୁ | କଡେଇରେ ଗୁଆଘିଅ ପକାଇ ସେଥିରେ ବଟା ପଣସମଞ୍ଜି ପକାନ୍ତୁ ଏବଂ ଧୀରେ ଧୀରେ ଗୋଳାନ୍ତୁ | ୫/୬ ମିନିଟ ପରେ ମିଲ୍କମେଡ ପକାଇ ପଣି ଶୁଖି ଯିବା ପର୍ଯ୍ୟନ୍ତ ଗୋଳାନ୍ତୁ | ପୂରା ଶୁଖିଗଲାପରେ ସେଥିରେ ଅଳ୍ପ ଗୁଣ୍ଡଚିନି ପକାଇ ଗୋଳାନ୍ତୁ ଓ ସଙ୍ଗେ ସଙ୍ଗେ ଗୋଟିଏ ଥାଳିରେ ଘିଅ ମାରି ଢାଳି ଦିଅନ୍ତୁ | ଏହାକୁ ହାତରେ ଚାପି ସମାନ କରନ୍ତୁ | କାଜୁକୁ ଟିକେ ଗୁଣ୍ଡକରି ଏହା ଉପରେ ଛିଞ୍ଚନ୍ତୁ | ଏବେ ଏହାକୁ ୧ ଘଣ୍ଟା ପର୍ଯ୍ୟନ୍ତ ଫ୍ରିଜରେ ରଖନ୍ତୁ | ଥଣ୍ଡା ହୋଇଗଲାପରେ କାଟି ଖାଇବାକୁ ଦିଅନ୍ତୁ |
No comments:
Post a Comment