ଲେମ୍ବୁ ଆଚାର (ମିଠା) - Lemon Pickle (sweet)
ଆବଶ୍ୟକୀୟ ଉପକରଣ :
ଲେମ୍ବୁ , ଲୁଣ , କଞ୍ଚାଲଙ୍କା ,ସୋରିଷ ତେଲ , ଅଦା , ହଳଦୀ , ସୋରିଷ ଗୁଣ୍ଡ ,ମେଥି ଗୁଣ୍ଡ ,ଲଙ୍କାଗୁଣ୍ଡ , ହେଙ୍ଗୁ , ଗୁଡ
ପ୍ରଣାଳୀ --- ପ୍ରଥମେ ଲେମ୍ବୁକୁ ଭଲ ପାଣିରେ ଧୋଇଦେବ | ଧୁଆହେବା ଲେମ୍ବୁ ଛୋଟ ଛୋଟ କରି କାଟିବେ | ଗୋଟା କଞ୍ଚାଲଙ୍କାକୁ ମୁଣ୍ଡି ବାହାର କରିଦେଇ ଭଲ ଭାବରେ ଧୋଇ ଦେବ | ଉକ୍ତ ଲଙ୍କାରୁ କିଛି ଅଂଶ କାଟିଦେବ | ଅଦାକୁ ଭଲ ଭାବରେ ଧୋଇଦେଇ ଛୋଟ ଛୋଟ ଖଣ୍ଡ କରି କାଟିଦେବ | ଲେମ୍ବୁ , ଲଙ୍କା ଓ ଅଦାକୁ ମିଶାଇ ଆବଶ୍ୟକ ପରିମାଣର ଲୁଣ ଓ ହଳଦୀ ମିଶାଇ କିଚ୍ଛିଦିନ ପାଇ ରଖିବ | ପ୍ରତିଦିନ ଲେମ୍ବୁ ଘାଣ୍ଟୁଥିବ | ଯେତେବେଳେ ଲେମ୍ବୁ ସଢିଯିବ ବା ନରମ ହୋଇଯିବ ଉକ୍ତ ଲେମ୍ବୁକୁ ପ୍ଳେଟ କିମ୍ବା କୁଲା ଉପରେ ଉକ୍ତ ଲେମ୍ବୁକୁ 2 ଦିନ ଶୁଖାଇବ | ଅତ୍ୟଧିକ ଲେମ୍ବୁକୁ ଶୁଖାଇଲେ ଆମ୍ବୁଲ ପରି ହୋଇଯିବ | ତେଣୁ ୨/୩ ଟି ଖରା ଯଥେଷ୍ଟ | ଆଚାର ପାଇ ମସଲା ପ୍ରସ୍ତୁତି କରି ଆଚାର କରିବ |
ପ୍ରଥମେ ତେଲକୁ ଚୁଲିରେ ବସାଇ ଗରମ କରିବ | ତେଲରୁ ଫେଣ ଅଂଶ ମରିଗଲେ ଗୁଡ ଖଣ୍ଡ ପକାଇ ଗୋଳାଇ ଦେବ ଓ ସଙ୍ଗେ ସଙ୍ଗେ ଚୁଲିରୁ କାଢି ଦେବ | ତେଲ ଅଳ୍ପ ଗରମ ଥିବା ଅବସ୍ଥାରେ ଲଙ୍କାଗୁଣ୍ଡ ଓ ହେଙ୍ଗୁ ପକାଇବ | ପୁରା ଥଣ୍ଡା ହୋଇଗଲେ ଉପରୋକ୍ତ ମସଲା ପକାଇ ଗୋଳାଇଦେବ ଓ ପାଗ ହୋଇଥିବା ଲେମ୍ବୁକୁ ପକାଇ ଗୋଳାଇବ ଓ ଜାରରେ ରଖିବ ଯେପରିକି ଆଚାର ତେଲ ବୁଡିକରି ରହିବ |
No comments:
Post a Comment